禮拜日下晝起床聽曲陳三五娘
原來係台南南管大師蔡小月
門生吳欣霏拍板吟唱
煞來想到七等生个思慕微微
多年來好讀佢个小說
沒想到佢後期寫个作品
完全係真適个愛情
兩儕相愛經過內心
天人交戰个矛盾
譚郎个書信內
交待毋知樣般講个苦痛
於今繼續圓滿發展
這張不超過五十分鐘个CD唱片
比較南音社蔡小月个法郎西錄音
聲音又較細秀又較楚楚可憐
雖然沒像師傅老聲按悴苟
實在沒想到南管十分好聽
透過真空管放大機个音響
吳小姐斯像企在面前
一句句南宋末年陳三伯卿个才情
斯為忘不了个相逢
毋甘放棄个七世至愛
藉故破鏡賣奴三年
五娘共君斷約夜奔泉州
古來今日才子佳人
不少驚天動地个
歷史傳說文章大戲
發生在人生遙遠个聽講
書房肚翻閱自家个日記
也有不可隨便說出个故事
